AJACCIO
Un’isula. Mille storie da tramandà.
Dapoi a so creazione in u 2011, Intervista Productions s’hè spezializata in cuntenuti cunsacrati à a sucetà corsa, à a so cultura è à a so lingua, è à i so ligami cù u mondu, cù duie parolle maestre: trasmissione è spartera. I so magazine mettenu in valore i sapè fà culinarii isulani è mediterranei. I so ducumentarii schjariscenu l’evoluzione di a sucetà corsa da un puntu di vista culturale, storicu o puliticu, purtendu sguardi particulari nant’à l’isula è nant’à quistioni chì facenu spechju à e sfide isulane.
In Risaltu
01
A NOSTRA MISSIONE
In Lingua Corsa
01
A NOSTRA MISSIONE
In Lingua Corsa
Creendu cuntenuti in lingua corsa (prugrammi corti, magazine è duppiame), Intervista Productions assume una missione pedagogica è cuntribuisce à un bislinguisimu vivu nant'à l'isula. Sti prugrammi alimentanu e fasce per a ghjuventù di France 3 Corse Via Stella è e piattaforme spezializate.
Filmi animati (Boule et Bill, La Course aux Cadeaux, Ti’Doc, ecc.), magazine di scuperta (Découvrir le Monde, ecc.), sinemà è fizzione televisive (Le Bossu, Vipère au Poing, Au Secours j’ai Rétréci ma Prof!, ecc.) riuniscenu un publicu famigliale à a televisione è sò diventati arnesi pedagogichi per l'insignanti.
02
SGUARDI NANT’À U MONDU
Ducumentarii
02
SGUARDI NANT’À U MONDU
Ducumentarii
Intervista Productions sviluppa ducumentarii storichi, culturali è di sucetà chì interruganu a Corsica, a so identità è e so rilazione cù u mondu. Raconti chì esploranu a memoria cullettiva, i cambiamenti di l'isula è e grande quistione di e nostre sucetà.
Cù filmi cum'è Edmond Simeoni, l’esprit militant, Ghjacumu Fusina, chjamu a puesia o RN 193 – Per andà d’Aiacciu à Bastia, a sucetà dà a parolla à e persunalità, ripiglia percorsi è mette in lume i ligami trà storia, cultura è territoriu.
Privilegiendu sguardi particulari è storie prufundamente umane, Intervista face di u ducumentariu un spaziu di riflessione, di scuperta è di trasmissione.
03
U PIACÈ DI SPARTE
Magazine
03
U PIACÈ DI SPARTE
Magazine
Attraversu i so magazine, Intervista Productions esplora i sapori, e tradizione è i sapè fà chì facenu a ricchezza di a Corsica è di u Mediterraniu. Una manera di cuntà i territorii per mezu di quelle è quelli chì i cultivanu, i cucinanu è i facenu campà.
Cù Al Dente, diffusatu nant'à France 3 Corse ViaStella, u capucucinaru Romuald Royer gira l'isula cù u so food truck, scuntrendu pruduttori, artigiani è appassiunati chì tramandanu è rinnoveghjanu a gastrunumia isulana.
Da a scuperta d'un pruduttu à u scontru cù un sapè fà, ogni emissione cultiva a cunvivialità, a curiosità è u piacè di trasmette, fendu di a cucina un veru viaghju umanu è culturale.
04 / INDUVE SIMU